काठमाडौं । जय ट्रफी पुरुष एलिट कप क्रिकेटमा नेपाल पुलिस क्लबविरुद्ध त्रिभुवन आर्मी क्लब १२१ रनमै समेटिएको छ ।
वीरगञ्जस्थित नारायणी क्रिकेट मैदानमा टस हारेर पहिला ब्याटिङको निम्तो पाएको आर्मी ३४ ओभर ४ बलमा १२१ रन बनाएर अलआउट भएको हो ।
आर्मीका कुशल मल्लले सर्वाधिक २५ रन जोडे । भीम सार्की २२, कप्तान विनोद भण्डारी २१, पवन कार्की १५, बसिर अहमद १२ र शाहव आलमले ११ रन बनाए ।
आर्मीलाई सस्तोमा समेट्न पुलिसका ललित राजवंशी एक्लैले ७ विकेट लिए । १४ ओभर ४ बल बलिङ गरेका ललितले ४७ रन खर्चेर ७ विकेट लिए । यस्तै, कुशल भुर्तेल, श्रवण यादव र रसिद खानले एक एक विकेट लिए ।
