![](https://newspolar.com/wp-content/uploads/2022/03/mumbai_eoQwHzDXtt.jpg)
दुबईः इन्डियन प्रिमियर लिग क्रिकेट अन्तर्गत बिहीबार साँझ भएको खेलमा मुम्बई इन्डियन्सले किङ्स इलेभेन पञ्जाबलाई ४८ रनले पराजित गरेको छ ।
ब्याटिङ र बलिङ दुबैमा उत्कृष्ट प्रदर्शन गरेपछि पञ्जाब धरासायी बनेको थियो ।
पहिलो ओभरमै क्विन्टन डी कक आउट भएर दबाबमा परेको मुम्बईका लागि रोहित शर्माले ४५ बलमा ७० रनको महत्वपूर्ण पारी खेलेका थिए ।
यसअघिको म्याचमा ९९ रन बनाएर चर्चामा रहेका युबा ब्याट्सम्यान इसान किशनले २८ रन मात्र बनाए । उनी गोथामको बलमा आउट भए । पोलार्डले २० बलमा ४७ तथा हार्दिक पाण्ड्याले ३० रन बनाएका थिए ।
१९२ रनको लक्ष पाएको पञ्जाबले २० ओभरमा ८ विकेट गुमाएर १४३ रन मात्र बनाउन सक्यो । मुम्बईको कसिलो बलिङका कारण पञ्जाबका खेलाडीहरु नियमित अन्तरालमा आउट भएका थिए । कुनै पनि खेलाडीले व्यक्तिगत ५० रनको पाली खेल्न सकेका थिएनन् ।
पञ्जाबका लागि निकोलास पूरनले ४४ र मयंक अग्रवालले २५ रन बनाउनु बाहेक अरु खेलाडीले २० रनको आसपास वा त्योभन्दा कम मात्र रन बनाएका थिए ।
मुम्बईका लागि जसप्रित बुमराह, जेम्स प्याटिन्सन र राहुल चहरले २–२ तथा ट्रेन्ट बोल्ट र क्रुनाल पाण्ड्याले १–१ विकेट लिएका थिए ।
आज शुक्रबारको खेल चेन्नाई सुपर किङ र सनराइजर्स हैदराबादबीच हुनेछ ।
पोलार्ड म्यान अफ द म्याच चुनिए ।