एजेन्सी । सन् २०२४ मा साना बजेटका फिल्मले बक्स अफिसमा हलचल मच्चाएको छ । चाहे त्यो बलिउड होस् वा दक्षिण भारतीय फिल्म ।
स्री २, लापता लेडीज, मञ्जुम्मेल ब्वाईज, मुन्ज्या र हनुमान जस्ता पाँच साना बजेटका फिल्मको कुल बजेट १५५ करोड रुपैयाँ थियो ।
यी सबै फिल्मले १५ सय करोडभन्दा बढीको व्यापार गरेका छन् । बडे मियाँ छोटे मियाँ र कंगुवा जस्ता ठूला बजेटका फिल्म फ्लप भए ।
स्ट्री २ बलिउडको सबैभन्दा धेरै कमाउने फिल्म बन्यो । फिल्मले विश्वभर ८ सय ७४ करोड कमाएको थियो । यस वर्षको सबैभन्दा बढी कमाई गर्ने फिल्म ‘पुष्पा २’ रह्यो ।
डिसेम्बरमा रिलिज भएको यो फिल्मले अहिलेसम्म १७ सय करोड कमाइसकेको छ । यो फिल्मले बाहुबलीको कमाईको रेकर्ड तोड्न सक्छ । अल्लु अर्जुनको यो फिल्मको बजेट ४०० करोड थियो ।
