काठमाडौं । दक्षिण कोरियाको मुआन अन्तर्राष्ट्रिय विमानस्थलमा भएको विमान दुर्घटनामा ४७ जनाको मृत्यु भएको छ । १ सय ८१ जना सवार विमान दुर्घटना भएको हो ।
विमान ल्याण्ड गर्ने बेला धावनमार्गमा चिप्लिएर दुर्घटना भएको हो । त्यसलगत्तै विमानमा आगो लागेको थियो ।
समाचार एजेन्सी योनहापले यो दुर्घटनामा अहिलेसम्म ४७ जनाको मृत्यु भएको पुष्टि भएको जनाएको छ ।
जेजु विमान दुर्घटनामा परेको हो । सो विमानमा १७५ जना यात्री र चालक दलका ६ सदस्य थिए । सो विमान थाइल्याण्डको बैंककबाट फर्किएको थियो ।
विमानस्थलमा अवतरण गर्ने क्रममा धावनमार्गमा चिप्लिएर विमान दुर्घटना भएको बीबीसीले जनाएको छ ।
दुर्घटनास्थलबाट दुई जनालाई जीवितै उद्धार गरिएको रोयटर्सले जनाएको छ ।
