![](https://newspolar.com/wp-content/uploads/2022/03/mumbai_indians_2020_ORPHP5s3kO.jpg)
दुबईः इन्डियन प्रिमियर लिग अन्तर्गत आइतबार अपराह्न खेलिएको खेलमा मुम्बई इन्डियन्सले सनराइजर्स हैदराबादलाई ३४ रनले पराजित गरेको छ ।
टस जितेर पहिले ब्याटिङ गरेको मुम्बई इन्डियन्सले निर्धारित २० ओभरमा २०७ रनको विशाल स्कोर खडा गरेको थियो । मुम्बईका लागि कप्तान रोहित शर्मा ६ रन बनाएर आउट भएपनि मध्यक्रमका ब्याट्सम्यानहरु क्विन्टन डी ककले ६७, सूर्यकुमार यादवले २७, इसान किसनले ३१, हार्दिक पान्ड्याले २८, कायरन पोलार्डले २५ तथा क्रुनाल पान्ड्याले २० रन बनाएका थिए ।
२०८ रनको विशाल लक्ष्य पहिल्याउने क्रममा सनराइजर्सले २० ओभरमा ७ विकेट गुमाएर १७४ रनमात्र बनाएको थियो । सनराइजर्सका कप्तान डेभिड वार्नरले ६० रन बनाउनु बाहेक अन्य खेलाडीले खासै राम्रो खेल्न सकेनन् ।
यो जितसँगै ५ खेल खेलेको मुम्बई ३ जित, २ हारसँगै ६ अंक बनाएर अंक तालिकाको पहिलो स्थानमा उक्लेको छ । (एजेन्सी)