![](https://newspolar.com/wp-content/uploads/2022/03/csk_dhoni_2077-6-18_0apSUSWnvu.jpg)
इन्डियन प्रिमियर लिग अन्तर्गत आइतबार साँझ खेलिएको खेलमा महेन्द्रसिंह धोनीको कप्तानीमा रहेको चेन्नाई सुपर किंग्सले किंग्स इलेभेन पञ्जाबलाई १० विकेटले पराजित गरेको छ ।
टस जितेर पहिले ब्याटिङ रोजेको पञ्जाबले निर्धारित २० ओभरमा ४ विकेटको क्षतिमा १७८ रन बनाएको थियो । पञ्जाबका लागि कप्तान केएल राहुलले व्यक्तिगत ६३ रन बनाए पनि अरु ब्याट्सम्यान ठूलो स्कोर बनाउन सकेका थिएनन् ।
जितका लागि १७९ रनको लक्ष्य पछ्याएको चेन्नाईका लागि दुई ओपनिङ ब्याट्सम्यानले १७.४ ओभरमा १८१ रन बनाएर टिमलाई विजयी बनाए । चेन्नाईका लागि प्रारम्भिक ब्याट्सम्यान सेन वाट्सनले अविजित ८३ तथा फाफ डु प्लेसिसले अविजित ८७ रन बनाए ।
यो जितसँगै चेन्नाई छैटौं स्थानमा उक्लेको छ । चेन्नाईले पाँच खेल खेलेको छ जसमा २ जित र ३ हार व्यहोरेको छ ।
निकै राम्रो खेले पनि जितमा परिणत गर्न नसकेको पञ्जाबले ५ खेलबाट २ अंक मात्र आर्जन गरेको छ । प्रतियोगितामा ५ खेलमध्ये १ मा जित र ४ मा हार व्यहोरेको पंजाब अंक तालिकामा पुछारमा छ ।