![](https://newspolar.com/wp-content/uploads/2022/03/manchester_united_2077-6-18_rERqBVzhxY.jpg)
लन्डनः म्यान्चेस्टर युनाइटेडका लागि यो सिजनको शुरुआत त्यति सहज देखिएको छैन । प्रिमियर लिग अन्तर्गत आइतबार रातिको खेलमा आफ्नै गृह मैदान ओल्ड ट्राफोर्डमा टोटेनह्याम हटस्परले ६ गोल गरेर म्यान्युलाई निराश बनायो ।
खेलको पहिलो हाफमै टोटेनह्यामले ४ गोल गरिसकेको थियो जसमा सन ह्युङ मिनले २ गोल तथा टाँगी एनडेम्बेले र ह्यारी केनले १–१ गोल गरेका थिए । दोस्रो हाफमा ह्यारी केन र सर्जी औरियरले १–१ गोल गरेका थिए ।
म्यान्चेस्टरका तर्फबाट पहिलो हाफमा एक गोल पेनाल्टी मार्फत भएको थियो ।
म्यान्चेस्टरका फरवार्ड एन्थनी मार्सलले २८ औं मिनेटमा म्यान्युको डिबक्सभित्र टोटेनह्यामका खेलाडी एरिक लामेलालाई गालामा हिर्काएको भन्दै रातो कार्ड पाएर मैदान छाड्नु परेपछि म्यान्युको खेल तहसनहस भएको थियो ।
यो हारसँगै प्रिमियर लिगमा म्यान्चेस्टर १६ औं स्थानमा झरेको छ ।