हैदराबाद । तेलुगु अभिनेता अल्लु अर्जुनको फिल्म ‘पुष्पा २ः द रुल’ को विशेष स्क्रिनिङको क्रममा भएको भागदौडमा ज्यान गुमाएका परिवारलाई २ करोड दिइने भएको छ।
हैदराबादस्थित सन्ध्या थिएटरमा भएको भागदौडमा मृत्यु भएकी ३५ वर्षीया महिलाको परिवारलाई २ करोड रुपैयाँ दिइने भएको हो । अभिनेता अल्लु अर्जृनका पिता अल्लु अरविन्दले यो घोषणा गरेका हुन ।
चलचित्र निर्माता अरविन्दले दुई करोड मध्ये १ करोड अल्लु अर्जुनले तिर्ने बताएका छ भने बाँकी फिल्म निर्माता, मिथ्री मुभि मेकर्स र निर्देशक सुकुमारले एक आपासमा सल्लाह गरेर सहयोग गर्ने बताए ।
‘उक्त रकमले परिवारको लागि क्षतिपूर्तिको उपायको रूपमा काम गर्नेछ,’ श्री अरविन्दले भने, ‘यो रकम महिलाको ८ वर्षीय छोरा श्रीतेजको भविष्य सुरक्षित गर्न पनि हो, जसले गम्भीर चोटपटक भोग्नुपरेको थियो र सहयोगमा राखिएको छ ।’
उनले अभिनेताका बुबाले पनि बालको उपचार गर्ने डाक्टरहरूसँग कुरा गरेको र बच्चा निको भइसकेको जनाएका छन् ।
