![](https://newspolar.com/wp-content/uploads/2022/03/barca_TUy1IMZned.jpg)
म्याड्रिड । बार्सिलोनाले स्पेनी ला लिगामा आइतबार सेभियासँग १–१ को बराबरी खेलेको छ । यो नतिजापछि दुवै टिमले लिगमा आफ्नो अविजित यात्रा कायम राखे ।
नु क्याम्पमा सेभियाले लुक डे जङको गोलले अग्रता लिएकोमा बार्सिलोनाका लागि फिलिपे कोउटिन्होले बराबरी गोल फर्काए । जारी सिजनमा कोउटिन्होका लागि यो पहिलो लिग गोल हो ।
यसअघि रियल म्याड्रिडले लेभान्टेलाई २–० ले हराएर शीर्ष स्थान ओगटेको थियो । रियलको चार खेलबाट १० अंक भएको छ । बार्सिलोना र सेभिया दुवैको ७र७ अंक भएको छ ।