काठमाडौँ । सुदूरपश्चिम रोएल्सका कप्तान दीपेन्द्र सिंह ऐरीले नेपाल प्रिमियर लिग (एनपिएल)मा कार पुरस्कार पाएका छन् ।
आफ्नो कप्तानीमा सुदूरपश्चिमलाई फाइनलसम्म पुर्याएका दीपेन्द्रले टिम उपविजेता बनेपनि व्यक्तिगत उपलब्धी भने हात पार्न सफल भए ।
उनी प्रतियोगितामा नेपाली खेलाडीतर्फ ‘प्लेअर अफ दि सिरिज’ बन्दै ओमोडा ई ५ कार पुरस्कार प्राप्त गरे । दीपेन्द्रले एनपिएलमा ९ खेल खेल्दा १ अर्धशतक सहित २२७ रन बनाए ।
यद्यपि, फाइनलमा भने दीपेन्द्र चल्न सकेनन् । उनले ब्याटिङमा ९ रनमा आउट भए भने बलिङमा १ विकेट मात्र लिए ।
