काठमाडौं । आईसीसी क्रिकेट विश्वकप लिग टू अन्तर्गत एकदिवसीय सिरिजमा नेपाल र युएईबीचको खेल जारी छ ।
दुबई क्रिकेट रंगशालामा नेपालले टस जितेर पहिले बलिङ रोजेपछि ब्याटिङमा उत्रिएको युएईले नेपाललाई जितका लागि २०३ रनको लक्ष्य दिएको छ ।
५० ओभर खेल्दै युएईले ९ विकेट गुमाएर २०२ रन जोड्यो । युएईका लागि मुहम्मद वासिमले ५१ बल खेल्दै ३३ रन जोडे । यस्तै, चिराग सुरीले ५४ बल खेल्दै २६ रन जोडे भने रोहन मुस्ताफाले ७३ बलमा ६० रनको अर्धशतकीय इनिङ्स खेले ।
यस्तै, बसिल हमीदले ३३ बलमा १७ रन जोडे भने आलिशान शराफुले १३ बलमा २१ रन जोडे ।
नेपालका लागि कप्तान सन्दिप लामिछानेले ३ विकेट लिए भने सोमपाल कामी र करन केसीले समान २/२ विकेट लिए। त्यस्तै दिपेन्द्र सिंह एरी र आरिफ शेखको नाममा समान १/१ विकेट रह्यो ।
