एजेन्सी । शाहरुख खान स्टारर फिल्म ‘कल हो ना हो’ र ‘करिश्मा का करिश्मा’ जस्ता टिभी शोमा देखिएकी झनक शुक्लाले विवाह गरेकी छन् ।
उनले आफ्नो लामो समयका प्रेमी स्वप्निल सूर्यवंशीसँग वैवाहिक बन्धनमा बाँधिएकी हुन् । जसका तस्विरहरू पनि सामाजिक सञ्जालमा भाइरल भइरहेका छन् ।
झनक शुक्लाले आफ्नो इन्स्टाग्राममा विवाहको भिडियो शेयर गरेकी छन् । यसमा उनी रातो साडी लगाएकी दुलहीको लुकमा निकै सुन्दर देखिएकी छिन् । जबकि स्वप्निल सूर्यवंशीले सेतो रंगको शेरवानी र रातो पगडी लगाएका छन् ।
स्वप्निल सूर्यवंशी मेकानिकल इन्जिनियर र एमबीए क्वालिफाइड छन् । यद्यपि उनी स्वास्थ्य र फिटनेस उद्योगसँग पनि सम्बन्धित छन् ।
झनक शुक्ला प्रसिद्ध वृत्तचित्र निर्माता हरिल शुक्ला र अभिनेत्री सुप्रिया शुक्लाकी छोरी हुन् । झनकले आफ्नो करियर बाल कलाकारको रुपमा सुरु गरेकी थिइन् । उनी टिभी शो ‘करिश्मा का करिश्मा’ मा रोबोटको भूमिका निभाउनका लागि परिचित छन् ।
यति मात्र होइन, उनले सोनपरी, हातिम र गुमराहका धेरै एपिसोडमा पनि काम गरिसकेकी छन् । सन् २००६ मा झनकले टिभी उद्योगलाई अलविदा गरिन् । अहिले झनक पुरातत्वविद् र जीवनशैली ब्लगर हुन् ।
