मोरङ । विराटनगरका दुई जना कोरोना संक्रमितको मृत्यु भएको छ । विराट मेडिकल र न्यूरो अस्पतालमा उपचाररत दुई जना संक्रमितको मृत्यु भएको हो ।
जिल्ला स्वास्थ्य कार्यालय मोरङका प्रमुख ज्ञानबहादुर बस्नेतका अनुसार विराट मेडिकल अस्पतालमा उपचाररत इटहरी उपमहानगरपालिका-५ की ६४ वर्षीया महिला र न्यूरो अस्पतालमा उपचाररत पथरीशनिश्चरे नगरपालिका-६ की ९२ वर्षीया वृद्धाको शनिबार मृत्यु भएको हो ।
मृतक दुवै महिलामा श्वासप्रश्वासमा समेत समस्या देखिए बस्नेतले बताए । ६४ बर्षिय महिला असोज १५ गते विराट मेडिकल अस्पतालको आइसोलेसनमा भर्ना गरिएको थियो भने ९२ वर्षीया महिलालाई असोज १८ गते कोरोना संक्रमण पुष्टि भएको थियो ।
