काठमाडौ । संस्कृति, पर्यटन तथा नागरिक उड्ययनमन्त्री योगेश भट्टराईलाई कोरोना भाइरस (कोभिड–१९) को संक्रमण पुष्टि भएको छ । मन्त्री भट्टराईले सामाजिक सञ्जाल मार्फत आफूलाई कोरोना भाइरस सक्रमण भएको जानकारी गराउनु भएको छ ।
मन्त्री भट्टराईले लेख्नु भएको छ – गत सोमबार कोरोना परीक्षण गर्दा रिपोर्ट नेगेटीभ आएको थियो । त्यसक्रममा काठमाडौं बाहिरका केही कार्यक्रममा सहभागी पनि भएँ । हिजो शुक्रबार बेलुका निवासमा फर्केपछि हल्का ज्वरोको महशुस भयो । आज शनिबार पुनः कोरोना परीक्षण गर्दा रिपोर्ट पोजेटीभ आएको भर्खरै जानकारी पाएको छु।
हालसम्म पनि हल्का ज्वरो बाहेक अरु समस्या देखिएको छैन । केही दिन यता मसँग सम्पर्कमा आउनु भएका महानुभावहरुलाई सतर्क रहन र कुनै समस्या देखिएमा कोरोना परीक्षण गरी ढुक्क हुन अनुरोध गर्दछु । मेरा कारणले कसैलाई पर्न जाने असुबिधा प्रति क्षमाप्रार्थी छु । होसियार रहनु र परिआएमा सामना गर्नु बाहेक के नै पो बिकल्प छ र ?, भट्टराइले खेल्नु भएकाे छ ।
