चितवन । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले रवि लामिछानेलाई आतंकित पारेको मूल्य एमाले र कांग्रेसलाई चर्को पर्ने बताएका छन् ।
मंगलबार चितवनमा आयोजित खबरदारी सभालाई सम्बोधन गर्दै पूर्वप्रधानमन्त्री समेत रहेका प्रचण्डले यस्तो बताएका हुन् ।
अध्यक्ष दाहालले भने, ‘कांग्रेस र एमालेका नेताहरूले प्रधानमन्त्री भइदिनुस् भनेर रवि लामिछानेलाई भनेको र सुनेको मैले आफ्नै आँखाले देखेको छु,अहिले जसरी एक ठाउँबाट अर्को ठाउँमा लैजाँदा जसरी उहाँलाई आतंकित पार्ने काम भएको छ यसको मूल्य एमाले र कांग्रेसलाई धेरै चर्को पर्नेछ ।’
यस्तै, उनले अमानवीय र निरंकुश कामबाट सत्तापक्षकै नेताहरूले पनि विरोध जनाउन थालेको टिप्पणी गरे ।
