काठमाडौं । पश्चिम नेपालको भ्रमणमा रहनुभएका पूर्वराजा ज्ञानेन्द्र शाहले आज मध्य पश्चिम क्षेत्रको प्रशिद्ध धार्मिक स्थल नेपालगन्जमा अवस्थित बागेश्वरी मन्दिरमा पूजा आजा गर्नुभएको छ ।
उक्त अवसरमा पूर्वअधिराजकुमारी प्रेरणा राज्य लक्ष्मी देवी सिंह, पुर्व शाहाज्यादीहरु पूजा राज्य लक्ष्मी देवी शाही शिताष्मा राज्य लक्ष्मी देवी शाह समेत सरिक रहनु भएको थियो ।
पूर्वराजा शाह मंगलबार बर्दियाको बाह्रबिगामा हुने श्रीमद् भागवती धनधान्याञ्चल सप्ताह महायज्ञमा सहभागी हुने कार्यक्रम छ । उहाँ बिहान ११ बजे कार्यक्रममा पुग्नुहुने छ ।
त्यसैगरी मंसिर २९ गते शनिबार १२ बजे तुल्सीपुरमा रहेको स्वर्गीय राजा वीरेन्द्र स्मृति पार्कमा पुग्नुहुने छ । त्यही दिन घोराहीमा रहेको पाण्डभेश्वर मन्दिरमा पुगेर पूजा अर्चना गर्ने कार्यक्रम छ ।
