काठमाण्डौ । सरकारले कोरोना भाइरसको परीक्षण शुल्क एक हजार बनाएको छ । सरकारले परीक्षण शुल्क दुई हजार रुपैयाँबाट घटाएर एक हजार रुपैयाँमा झारिएको हो ।
मङ्गलबार भएको नियमित प्रेस बिफ्रिङमा स्वास्थ्य मन्त्रालयका प्रवक्ता डाक्टर जागेश्वर गौतमले पीसीआर परीक्षणको शुल्क अब बढीमा एक हजार रुपैयाँ मात्र लिन पाइने बताउनुभयो । उहाँले परीक्षणको यो रकम समयानुकुल समायोजन हुँदै जाने पनि बताउनुभयो ।
सरकारले पहिले पाँच हजार पाँच सय रुपैयाँमा हुने गरेको परीक्षण चार हजार चार सय रुपैयाँमा झारिएको थियो, फेरि त्यसलाई पनि घटाएर दुई हजारमा झारिएको थियो । दुई हजारबाट मंगलबार सरकारले एक हजारमात्र लिन पाउने बताएको हो । कोरोना परीक्षणको रकम चौथो पटक घटाएको हो ।
प्रवक्ता गौतमले राष्ट्रिय जनस्वास्थ्य प्रयोगशाला टेकुले अनुमति दिएका प्रयोगशालाले मात्र परीक्षण गर्न पाउने बताउनुभयो ।
