काठमाडौँ । काठमाडौंबाट रामेछाप गइरहेको फोर्स गाडी दुर्घटना हुँदा गोकुलगंगा गाउँपालिका–४ का वडाध्यक्ष रामचन्द्र बस्नेतसहित ५ जनाको मृत्यु भएको छ ।
शुक्रबार काठमाडौंबाट रामेछापको बेतालीतर्फ जाँदै गरेको ७१२३ नम्बरको सुमो गोकुलगंगा गाउँपालिका–६ सिमलडाँडामा दुर्घटनामा परेको हो ।
प्रहरीका अनुसार गाडीमा ८ जना सवार थिए जसमा ५ जनाको घटनास्थलमै मृत्यु भएको र अन्य तीन जनाको उद्धार गरेर अस्पतालतर्फ पठाइएको छ ।
दुर्घटनाग्रस्त गाडी ४ सय ५० मिटर तल खसेको छ । प्रहरीको टोली अहिले घटनास्थलमा पुगिसकेको छ ।
