काठमाडौं । स्पेनी ला लिगा फुटबलमा बार्सिलोनाले बराबरी खेलेको छ ।
गएराति भएको खेलमा बार्सिलोनाले सेल्टा भिगोसँग २-२ गोलको बराबरी खेल्दै अङ्क बाडेको हो ।
घरेलु टोलि भिगोले पुनरागमन गर्दै खेल बराबरी गर्यो । खेलको १५ औं मिनेटमा राफिन्हाले गोल गर्दै बार्सिलोनालाई सुरुवाती अग्रता दिलाएका थिए । ६१ औ मिनेटमा रोबर्ट लेवान्डोस्कीले गोल गर्दै बार्सिलोनाको अग्रता दोब्बर पारे ।
तर, ८२ औं मिनेटमा बार्सिलोनालाई धक्का लाग्यो । मार्क कासाडो रातो कार्ड खादै बाहिरिए ।
त्यसको लगत्तै ८४ औ मिनेटमा गोन्जालेजले र ८६ औं मिनेटमा हुगो अल्भारेजले गोल गर्दै सेल्टा भिगोलाई हारबाट जोगाए ।
बार्सिलोना १४ खेलबाट ३४ अङ्कका साथ तालिकाको शीर्षस्थानमा यथावत छ । भिगो १८ अङ्कका साथ ११ औं स्थानमा छ ।
