काठमाडौं । ईंग्लिश प्रीमियर लिग फुटबलमा म्यान्चेस्टर सिटीले लज्जास्पद हार बेहोरेको छ ।
गएराति भएको खेलमा सिटी टोटेनहमसँग आफ्नै घरेलुु मैदानमा ४-० गोलले पराजित भएको हो ।
यता, टोटेनहमलाई फराकिलो जित दिलाउन जेम्स म्याडिसनले दुई तथा पेड्रो पोरो र ब्रेनान जोनसोनले एक-एक गोल गरे ।
खेलको १३ औं मिनेटमा म्याडिसनको गोलबाट टोटेनहमले सुरुवाती अग्रता लिएको थियो । २० औं मिनेटमा म्याडिसनले नै गोल गर्दै टोटेनहमको अग्रता दोब्बर पारे ।
त्यसपछि ५२ औं मिनेटमा पेड्रोले र खेल सकिनै लाग्दा इन्जुरी समयमा जोनसोनले गोल गर्दै टोटेनहमलाई सानदार जित दिलाए ।
यो नतिजापछि सिटी १२ खेलबाट २३ अङ्कका साथ तालिकाको दोस्रो स्थानमा छ । टोटेनहम १९ अङ्कका साथ छैटौं स्थानमा छ ।
