काठमाडौं । पूर्वप्रधानन्यायाधीश कल्याण श्रेष्ठले सत्यनिरूपण तथा मेलमिलाप र बेपत्ता व्यक्ति छानबिन आयोगको पदाधिकारी आफ्नो कुनै रुचि र चासो नभएको जनाउनु भएको छ ।
आयोगका लागि श्रेष्ठको नाम सिफारिस समितिसमक्ष पुगे पछि श्रेष्ठले आफ्नो कुनै चासो र रुचि नभएको जनाउनु भएको हो ।
न्यूजपोलारसंग पूर्वप्रधानन्यायाधीश श्रेष्ठले भन्नुभयो ‘मेरो रुचि र चासो तथा सरोकार नभएको बिषयमा कसले किन सिफारिस गर्यो थाहा छैन र कुनै रुचि पनि छैन ।’
आयोगका लागि १५६ जनाको नाम सिफारिस भएको जनाईएको छ । पूर्वप्रधानन्यायाधीश श्रेष्ठको नाम संघसंस्थाबाट छनोट समितिलाई सिफारिस गरेको हो ।
