काठमाडौं । सत्तारुढ नेकपा (एमाले)ले शुक्रबार काठमाडौंमा गर्ने भनेको जागरण सभाको पूर्वनिर्धारित सभास्थल परिवर्तन गरेको छ ।
यसअघि भृकुटीमण्डपमा गर्ने भनिएको जागरण सभा दरबारमार्गमा आयोजना हुने भएको जागरण सभा संयोजन समितिका संयोजक डा. राजन भट्टराईले जानकारी दिए ।
एमालेले जुलुसको रुट पनि सार्वजनिक गरेको छ। संयोजक भट्टराईले बुधबार प्रेस विज्ञप्ति जारी गर्दै र्याली भद्रकालीबाट सुरु हुने बताए । उनका अनुसार भद्रकालीबाट सुरु भएको र्याली सुन्धारा, वीर अस्पताल, रत्नपार्क, घण्टाघर हुँदै दरबारमार्गमा पुगेर सभामा परिणत हुनेछ ।
एमालेको काठमाडौं, ललितपुर र भक्तपुर जिल्ला कमिटीको आयोजनामा मंसिर ७ गते राजधानीमा जागरण सभा गर्न लागेको हो ।
