काठमाडौं । ताजकिस्तानमा जारी थ्री नेसन्स कपमा नेपालले अफगानिस्तानलाई २–० गोलको शानदार जित हात पारेको छ ।
ताजकिस्तानको डुशानबे सेन्ट्रल स्टेडियममा हिजो साँझ भएको खेलमा नेपालले अफगानिस्तानलाई पराजित गरेको हो ।
नेपालको जितका लागि जिलेस्पीजंग कार्की र रोहित चन्दले एक–एक गोल गरे । कार्कीले खेलको ४६ औं मिनेटमा पहिलो गोल गरे भने चन्दले ७८ मिनेटमा नेपालका लागि दोस्रो गोल गरेका थिए ।
यसअघि नेपाल पहिलो खेलमा घरेलु टोली ताजिकिस्तानसँग ४–० ले पराजित भएको थियो ।
फिफा वरियतामा अफगानिस्तान नेपालभन्दा २५ स्थानमाथि छ । पछिल्लो फिफा वरियतामा अफगानिस्तान १५१ औं स्थानमा रहँदा नेपाल १७६ औँ स्थानमा छ ।
