पोखरा । राष्ट्रिय स्वतन्त्र पार्टी (रास्वपा)का सभापति रवि लामिछानेलाई पोखराबाट भैरहवा पठाइएको छ । बुद्ध एयरको जहाजमार्फत मंगलबार मध्याह्न उनलाई पोखराबाट भैरहवा पठाइएको हो ।
बिहान पौने ८ को उडान भएपनि भैरहवामा भिजिविलिटी नभएकोले लामिछाने सवार विमाज उडान भर्न सकेको थिएन ।
भैरहवामा मौसम सुधार भएको भन्दै १०स्२९ बजे जहाजमा राखिएपनि साढे ११ बजेसम्म भैरहवामा कमजोर भिजिविलिटीका कारण जहाज उड्न सकेको थिएन ।
मौसम खुलेसँगै लामिछानेलाई भैरहवा लगिएको हो । रुपन्देहीमा लामिछानेलाई ल्याउने भएपछि बिहानैबाट गौतमबुद्ध जहाजस्थलमा सुरक्षा व्यवस्था कडा बनाइएको छ ।
उनलाई ल्याउने तयारीपछि रास्वपा लुम्बिनी प्रदेशले विभिन्न स्थानमा प्रदर्शन गरिरहेको छ । अर्कोतर्फ सुप्रिम ऋण तथा बचत सहकारी पीडितहरुले पनि भैरहवामै प्रदर्शन गर्दैछन् ।
