एजेन्सी । अहिले बलिउड अभिनेता सलमान खानलाई एउटा गीतलाई लिएर धम्की दिइएको छ । यो धम्की बिहीबार राति एक सन्देश मार्फत मुम्बई पुलिस कन्ट्रोल रुममा पठाइएको थियो ।
रिपोर्टका अनुसार ७ नोभेम्बरमा कन्ट्रोल रुममा म्यासेज आयो । सन्देश पठाउने व्यक्तिले आफूलाई लरेन्स गिरोहको सदस्यको रूपमा चिनाएको थियो ।
उनले धम्कीमा एउटा गीत उल्लेख गरेका छन्, जसमा सलमान खान र लरेन्सको नाम जोडिएको छ ।
धम्कीमा लेखिएको छ – ‘लेखकले अब गीत लेख्न सक्नेछैनन् । एक महिनाभित्र कारबाही हुन्छ । सलमानमा हिम्मत छ भने बचाउ ।’
पछिल्लो एक हप्तामा सलमान खानलाई तेस्रो पटक धम्की आएको हो । मुम्बई प्रहरीले यस विषयमा अनुसन्धान सुरु गरेको छ ।
