काठमाडौं । नेकपा एमालेले अगामी मंसिर १६ गते हुन लागेको उपनिर्वाचनमा काठमाडौंबाट चार वटै सीटमा उम्मेदवारको टुंगो लगाएको छ ।
आज बसेको जिल्ला कमिटी बैठकले कीर्तिपुर नगरपालिकाको मेयरसहित सबै उम्मेदवारको टुंगो लगाएको जिल्ला इन्चार्ज आनन्द पोखरेलले जानकारी दिए ।
बैठकले कीर्तिपुरको मेयरमा केन्द्रीय सदस्य डा. सुरेन्द्र मानन्धरलाई उम्मेदवार बनाउन सर्वसम्मत सिफारिस पोखरेलले बताए ।
त्यस्तै, कीर्तिपुर वडा नम्बर १ को अध्यक्षमा हर्ष महर्जन, कीर्तिपुर वडा नम्बर ४ मा बद्री बुढाथोकीलाई उम्मेदवार बनाउने निर्णय गरेको छ ।जिल्ला कमिटीले काठमाडौं महानगरपालिका वडा नम्बर १६ को अध्यक्षमा लक्ष्मीरत्न तुलाधरलाई सर्वसम्मत सिफारिस गरेको छ ।
