एजेन्सी । बलिउड अभिनेता सलमान खानलाई मंगलबार बिहान फेरि लरेन्सको नाममा धम्की आएको छ ।
मुम्बईको कन्ट्रोल रुमबाट प्राप्त सन्देशमा सलमान खानले बिश्नोई समुदायको मन्दिरमा गएर कालो हरिणको शिकार गरेकोमा माफि नमाग्ने वा ५ करोड रुपैयाँ नदिए ज्यान जान सक्ने उल्लेख गरिएको थियो ।
रिपोर्टका अनुसार मुम्बई प्रहरीको ट्राफिक कन्ट्रोल रुमले सोमबार राति (अक्टोबर ४)मा एक सन्देश प्राप्त गरेको थियो । मध्यरातमा एक अधिकारीले त्यो सन्देश याद गरे ।
म्यासेजमा लेखिएको थियो, ‘यदि सलमान खान जीवित रहन चाहन्छन् भने उसले हाम्रो मन्दिरमा गएर माफि माग्नुपर्छ वा ५ करोड तिर्नु पर्छ । हाम्रो गिरोह अझै सक्रिय छ ।
हाल सलमान खान फिल्म सिकन्दरको सुटिङमा व्यस्त छन् । ज्यान मार्ने धम्कीकाबीच अभिनेता फिल्मको सुटिङका लागि हैदरावादको प्रसिद्ध ताज फलकनुमा प्यालेसमा पुगेका छन् ।
अभिनेताको सुरक्षालाई ध्यानमा राख्दै दरबारमा पनि कडा सुरक्षा व्यवस्था गरिएको छ । ताज फलकनुमा दरबारलाई आकर्षक बत्तीहरूले सजाइएको थियो ।
चलचित्रका टोली एक दिनअघि नै होटल पुगेका थिए । सुटिङको सम्पूर्ण तयारी पूरा भइसकेको छ । यही ठाउँमा सलमानकी बहिनी अर्पिता खानको विवाह भएको थियो ।
