एजेन्सी । ‘पुष्पाः द राइज’का लागि अल्लु अर्जुनले उत्कृष्ट अभिनेताको राष्ट्रिय अवार्ड जितेर नयाँ कीर्तिमान बनाएका छन् । अब उनी ‘पुष्पा २ः द रुल’बाट बक्स अफिसमा राज गर्ने तयारीमा छन् र यसरी यो फिल्म चर्चाको विषय बनेको छ ।
यसैबीच, फिल्मले रिलिज अगावै १०८५ करोडको ठूलो कलेक्सन गरिसकेको छ ।
यो शानदार उपलब्धि एक कीर्तिमान तोड्ने सम्झौता हो र यसलाई भारतमा बनाइएको सबैभन्दा आकर्षक चलचित्र सम्झौताहरू मध्ये एक मानिन्छ ।
रिपोर्टका अनुसार थिएटर राइट्स ६४० करोड भारुमा बेचिएको छ । यससँगै, फिल्मले ठूलो डिजिटल सम्झौतामा हस्ताक्षर गरेको छ, जसमा नेटफ्लिक्सले २७५ करोडमा राइट्स खरिद गरेको छ ।
फिल्मको समग्र प्रि–रिलिज व्यापारलाई हेर्दा यो फिल्मले आन्ध्र प्रदेश र तेलंगानामा २२० करोड, उत्तर भारतमा २०० करोड, तमिलनाडुमा ५० करोड कर्नाटकमा ३० करोड, केरलामा २० करोड र विदेशी बजारहरूमा १४० करोड कमाएको छ ।
यसबाहेक, म्युजिक राइट्स ६५ करोड रुपैयाँमा र स्याटेलाइट राइट्स ८५ करोड रुपैयाँमा बिक्री गरिएको छ । चलचित्रले आफ्नो गैर–थिएटर अधिकारबाट ४२५ करोड कमाएको छ ।
यो फिल्म ५ डिसेम्बर २०२४ मा विश्वभरका थिएटरहरूमा रिलिज हुँदैछ । यो चलचित्रलाई सुकुमारले निर्देशन गरेका हुन् भने मिथ्री मुभि मेकर्सले निर्माण गरेको हो । फिल्ममा अल्लु अर्जुन, रश्मिका मन्दना र फहद फासिल मुख्य भूमिकामा छन् । चलचित्रको संगीत टी–सिरिजले दिएको छ ।
