म्याड्रिड । स्पेनी ला लिगामा आइतबार भएको खेलमा भ्यालेन्सियासंग रियल म्याड्रिडले स्तब्धपूर्ण ४–१ को हार बेहोरेको छ । भ्यालेन्सियाका फरवार्ड कार्लोस सोलेरले तीन पटक पाएको पेनाल्टीमार्फत ह्याट्रिक गरेका थिए । खेल सुरु भएको २३ औं मिनेटमा रियलका लागि करिम बेन्जेमाले पहिलो गोल गर्दै खेललाई सुरुवाती अग्रता दिलाएका थिए ।
त्यसको जवाफमा सोलेरले पहिलो गोल गरेयता राफेल भारानेले आत्मघाती गोल गरे । त्यसपछि सोलेरले दुई गोल थपे । सन् २०१८ मा बार्सिलोनासँग ५–१ ले हारेयता रियलको यो सबैभन्दा खराब पराजय हो ।
यो खेलपछि रियल आठ खेलबाट १६ अंकमा चौथो स्थानमा रह्यो । रियल सोसिडाड भने २० अंकसहित शीर्ष स्थानमा छ । सोसिडाडले अर्को खेलमा ग्रेनेडालाई २–० ले हराएको थियो ।
