काठमाडौं ।आईसीसी विश्वकप लिग–२ मा आज नेपालले घरेलु टोली क्यानडासँग भिड्दैछ । किंग सिटीमा हुनलागेको खेल नेपाली समय अनुसार राती ८: ४५ बजेबाट सुरु हुनेछ ।
यसअघि त्रिकोणात्मक ओडिआई सिरिजको पहिलो खेलमा नेपाल क्यानडासँग १०३ रनले पराजित भएको थियो । २५४ रनको लक्ष्य पछ्याएको नेपाल ४०.१ ओभरमा १५० रनमा अल आउट भएको थियो । नेपालले ओडीआईमा क्यानडासँग हारेको यो एकमात्रै खेल हो ।
सिरिजको दोस्रो खेलमा पनि नेपालले ओमानसँग हार बेहोरेको थियो ।
आजको खेलमा क्यानडालाई हराउँदै लिग टुमा नेपाल दोस्रो जित दर्ता गराउन चाहन्छ । लिग टुको अंक तालिकामा नेपाल ६ खेलमा २ अंकका साथ तालिकामा पुछारबाट दोस्रो स्थानमा छ ।क्यानडा १० खेलमा १२ अंकका साथ दोस्रो स्थानमा छ ।
त्रिकोणात्मक ओडिआई सिरिजमा नेपालले चौथो खेल असोज ८ गते ओमानविरुद्ध खेल्नेछ ।
