काठमाडौं । नेपाल प्रहरीले ६४ जना प्रहरी निरीक्षक (इन्स्पेक्टर) र २३६ जना प्रहरी सहायक निरीक्षक (असई) का लागि आवेदन मागेको छ ।
प्रहरी प्रधान कार्यालयले आज सावर्जनिक सूचना प्रकाशन गर्दै प्रहरीले ठूलो संख्यामा अधिकृत स्तर र सहायक स्तरमा भर्नाका लागि आवेदन मागेको हो ।
सूचनामा उल्लेख भएअनुसार योग्य उम्मेदवारले भदौ ३० गतेदेखि असोज ३० गतेभित्र आवेदन दिन सक्ने नेपाल प्रहरी भर्ना छनोट शाखाले जनाएको छ ।
प्रहरी निरीक्षकका लागि स्नातक तह पास गरी २० वर्ष उमेर पुगी २५ वर्ष ननाघेको हुनु पर्ने छ भने सहायक निरीक्षकका लागि भने प्रमाणपत्र तह पास गरी १८ वर्ष पुरा भई २४ वर्ष ननाघेको हुनु पर्ने छ ।
