धनगढी । राष्ट्रिय स्वतन्त्र पार्टी (रास्वपा)को सुदूरपश्चिम प्रदेशको विस्तारित बैठक धनगढीमा सुरु भएको छ ।
सभापित रवि लामिछानेको उपस्थितिमा जारी बैठकमा प्रदेश समित, विभाग र जिल्लाको नेतृत्व सहभागी छन् ।
रास्वपाले विस्तारित बैठकमा नीति–विचार, विधान, संगठनिक संरचना, भावी कार्ययोजनालगायत विषयमा छलफल चलाएको हो ।
राष्ट्रिय भेला अघि रास्वपाले सबै प्रदेशमा विस्तारित बैठक गरेको छ । गण्डकीबाहेक अन्य प्रदेशमा विस्तारित बैठक सकिएको छ । गण्डकीमा भोलि हुँदैछ । रास्वपाको राष्ट्रिय भेला असोज १–२ गते काठमाडौंमा हुँदैछ ।
