एजेन्सी । युएस ओपनको पुरुष सिंगल्सको उपाधि विश्व नम्बर १ टेनिस खेलाडी जेनिक सिन्नरले जितेका छन् ।
इटालियन स्टारले अमेरिकाका टेलर फ्रिट्जलाई ६–३, ६–४, ७–५ ले हराए ।
उनी वर्षको अन्तिम ग्राण्डस्लाम जित्ने पहिलो इटालियन पुरुष खेलाडी बनेका छन् भने समग्रमा दोस्रो खेलाडी बनेका छन् । २०१५ मा, फ्लाभिया प्यानेटाले महिला एकलको उपाधि जितेकी थिइन् ।
न्युयोर्कमा आइतबार राति अबेर राति सुरु भएको फाइनल खेल २ घण्टा १६ मिनेटसम्म चलेको थियो । यसमा शीर्ष वरीयता सिन्नरको दबदबा देखियो । उनले पहिलो सेट ६–३ ले जिते । त्यसपछि दोस्रो सेट ६–४ र अन्तिम सेट ७–५ ले जितेर अग्रता लिएको थियो ।
अर्कोतर्फ, अमेरिकाका टेलर फ्रिट्ज आफ्नो पहिलो ग्राण्डस्लाम उपाधि जित्नबाट बञ्चित भएका छन् । १८ वर्षपछि कुनै अमेरिकी खेलाडी युएस ओपनको पुरुष सिंगल्सको फाइनलमा पुगेका थिए । यसअघि सन् २००६ मा एन्डी रोडिकले यो उपलब्धि हासिल गरेका थिए ।
