काठमाडौं । सर्वाेच्च अदालतले राष्ट्रिय खेलकुद परिषद्का सदस्य प्रकाश कुमार कुसारीलाई तत्काल पदबाट नहटाउन अन्तरिम आदेश दिएको छ ।
शुक्रबार न्यायाधीश सुनिलकुमार पोखरेलको एकल ईजालासले कुसारीलाई तत्काल पदबाट नहटाउन आदेश दिएको हो । सरकारले नेतृत्व परिवर्तन भएसँगै मन्त्रिस्तरिय निर्णयबाट युवा तथा खेलकुद मन्त्रालयले उहाँलाई हटाउने निर्णय गरेको थियो । मन्त्रालयको निर्णय विरुद्ध कुसारीले सर्बोच्चमा रिट दायर गर्नुभएको थियो ।
एकै प्रकृतिमा नियुक्ति भएकाहरुका बारेमा सरकार पुर्बाग्रही भएर केही सदस्यलाई मात्र हटाउने निर्णय सरकारले गरेका कारण आफू अदालतको ढोकामा पुगेको कुसारीले बताउनुभयो । अदालतले अन्तरिम आदेश दिँदै कुसारीलाई हटाउनका कारण पेश गर्न सरकारसँग जवाफ माग गरेकाे छ ।
