काठमाडौं । नेपाल क्रिकेट संघ (क्यान)ले आयोजनमा हुन लागेको टी-२० फ्रेञ्चाइज क्रिकेट प्रतियोगिता नेपाल प्रिमियर लिग (एनपिएल) को लोगो सार्वजनिक गरिएको छ ।
क्यानले सोमबार एक कार्यक्रमकाबीच लोगो सार्वजनिक गरेको हो । सो अवसरमा खेलकुद मन्त्री तेजुलाल चौधरीले एनपिएलको लोगो अनावरण गरे ।
लिगको मिति समेत सार्वजनिक गरिएको छ । जसअनुसार आगामी मंसिर १५ देखि पुस ६ सम्म प्रतियोगिता आयोजना हुनेछ ।
लिगमा क्यानले ६ टोली हुने बताएको छ । टोलीको स्वामित्व किन्नका लागि क्यानले यसअघि सूचना प्रकाशित गरेको थियो । जसमा विभिन्न कम्पनीले परियोजना प्रस्तुत गरेका छन् ।
लिगको टोली घोषणा गरेपछि खेलाडी आबद्ध गर्ने प्रकिया अघि बढाउने क्यानको तयारी छ ।
