काठमाडौं। प्रभु बैंकले १०.५२ प्रतिशत लाभांश वितरण गर्ने घोषणा गरेको छ। बैंकको सञ्चालक समितिले १० प्रतिशत बोनस सेयर वितरणको प्रस्ताव गरेको हो। बैंकको चुक्ता पुँजी अहिले १० अर्ब ३१ करोड रुपैयाँ छ। अब चुक्ता पुँजी एक अर्बले बढ्ने छ।
बैंकले गत आर्थिक वर्ष एक अर्ब ८ करोड रुपैयाँ वितरणयोग्य नाफा गरेको थियो। चालु वर्षको पहिलो त्रैमासमा बैंकले १७ करोड ५६ लाख रुपैयाँ नाफा गरेको थियो। बैंकको जगेडा कोषमा ५ अर्ब २९ करोड रुपैयाँ छ। पछिल्लो एक महिनायता बैंकको सेयर मूल्य निरन्तर बढेपनि एक सातायता भने घटिरहेको छ। अहिले बैंकको सेयर मूल्य ३४२ रुपैयाँ छ।
सञ्चालक समितिले प्रस्ताव गरेको लाभांश राष्ट्र बैंकबाट स्वीकृति र आगामी साधारण सभाले पारित गरेपछि वितरण गरिने छ।
