काठमाडौं । बुधबार कारोबारको पहिलो घण्टामा नेप्से परिसूचक २४ दशमलव २६ अंकले घटेको छ । २ हजार ००६ दशमलव ४१ विन्दुबाट शुरु भएको बजार कारोबारको पहिलो घण्टामा १ दशमलव २२ प्रतिशतले घटेर १ हजार ९७१ दशमलव शून्य ९ विन्दुमा पुगेको छ ।
पहिलो घण्टाको अवधिमा १८६ ओटा कम्पनीको १२ हजार ०४२ पटकको कारोबारमा २६ लाख ६७ हजार ६५६ कित्ता शेयरको रू. १ अर्ब १७ करोड ९२ लाख बराबरको खरीदविक्री भएको छ । यस अवधिसम्म अपर तामाकोशी हाइड्रोपावरको सर्वाधिक कारोबार भएको छ । उक्त कम्पनीको रू. १५ करोड २८ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. ५१२ मा कारोबार भइरहेको छ ।
कारोबारको पहिलो घण्टामा नारायणी डेभलपमेण्ट बैंक, साञ्जेन जलविद्युत र रसुवागढी हाइड्रोपावरको शेयरमूल्य ९ प्रतिशतभन्दा बढीले वृद्धि भएको छ । पहिलो घण्टामा कारोबारमा आएका १२ ओटा समूहको परिसूचकमध्ये जलविद्युत समूहको परिसूचक ४ दशमलव ५५ प्रतिशतले बढेको छ भने बाँकी सबै समूहको परिसूचक घट्दा समग्र नेप्से घटेको हो ।
