काठमाडौं । नेपाली कांग्रेसका केन्द्रीय सदस्य अब्दुल सतारले संविधान संशोधनको बिषयलाई हल्काफुल्का रुपमा लिन नहुने बताउनु भएको छ । जारी केन्द्रीय समितिको बैठकमा आफ्नो दृष्टिकोण राख्दै नेता सत्तारले यसबाट पर्न सक्ने दीर्घकालीन असरबारे सबै तह र तप्कासंग गम्भिर छलफल आबश्यक छ । उहाँले भन्नुभयो ‘भोली काग्रेसले संविधान भत्कायो भन्ने सन्देश गयो भने के हुन्छ?’
नेता सतारले कांग्रेस सबैभन्दा ठुलो पार्टी भएको कुरा जनताले अनुभूत गर्न नपाएको उल्लेख गर्दे नेतृत्व जनताका सबालमा अनभिज्ञ जस्तै रहेको टिप्पणी गर्नुभयो । उहाँले भन्नुभयो’ किन ठुलो पार्टी हुदाँ पनि हामी अन्य दलको सहयोगीको भूमिका मात्र देखिऔ ।’
नेता सतारले तल्ला तहका हजारौ नेता तथा कार्यकर्तालाई बिभिन्न मुद्धामा फसाईएको गुनासो आफुले सुनेको जानकारी गराउदै यस बिषयमा तत्काल कार्यदल बनाएर समस्याको समाधान खोज्नु पर्ने सुझाब दिनुभयो । उहाँले भन्नुभयो ‘कार्यकर्ताको मनोबल खस्किएको छ , मनोबल नउकास्ने हो भने नेता र जनताको मात्र होईन नेता र कार्यकर्ताको पनि दुरी बढ्छ ।’
नेता सत्तारले कांग्रेस राजनीति भूमरीमा फसेको उल्लेख गर्दे कहिले माओवादीले कहिले एमालेले काग्रेसको काधमा बन्दुर राखेर पड्काएको गुनासो गर्नुभयो ।
उहाँले अब काग्रेसलाई कुन बाटो बाट कहाँ पुर्याउने भन्ने तय नभएको भन्दै महाधिबेशन , महासमिति र केन्द्रीय समितिले निर्देश गर्न नसकेको बताउनु भयो । उहाँले भन्नुभयो ‘जनताले एटिएम मेसिनबाट जस्तो परिणाम खोजेका छन् अब ईतिहास मात्र देखाएर जनताले पत्याउदैनन्।’
