काठमाडौँ । जुडो खेलाडी मनिता श्रेष्ठ प्रधान पेरिस ओलम्पिकको पहिलो चरणबाट बाहिरिएकी छिन् ।
५७ केजी मुनिको तौल समूहमा नेपालककी मनितालाई सर्वियाकी मारिका पेरिचिजले इप्पोनमा सहजै पराजित गरिन् । मनिता १ मिनेट दुई सेकेण्ड मात्रै म्याचमा टिकिन् ।
यो सहज हारमा जारी ओलम्पिक्समा नेपालबाट पहिलो चरणबाट बाहिरिने मनिता चौथो खेलाडी हुन् । यसअघि टेबल टेनिसका स्यान्टु श्रेष्ठ, सुटिङकी सुष्मिता नेपाल र पौडीका डुवाना लामा पनि पहिलो चरणबाट नै बािरिसकेका छन् ।
मनिता सागकी रजत विजेता खेलाडी हुन् भने उनीसँग वल्र्ड च्याम्पियनसिप खेलेको अनुभव पनि छ । तर उनले ओलम्पिक्समा प्रभावशाली प्रदर्शन गर्न सकिनन् ।
जुडोमा नेपालको अहिलेसम्मको उत्कृष्ट प्रदर्शन फुपु लामु खत्रीको नाममा छ । उनी रियो ओलम्पिक्समा पूरै समय म्याटमा टिकेकी थिइनन् । आजै प्रिन्स दाहालले पनि समूह चरणको खेल खेल्दैछन् ।
