पेरिस : पेरिस ओलम्पिक २०२४ अन्तर्गत टेबलटेनिसको प्रतिस्पर्धामा नेपालका स्यान्टु श्रेष्ठ प्रारम्भिक चरणमै पराजित भएका छन्।
स्यान्टु आज भएको प्रारम्भिक चरणको खेलमा सेनेगलका इब्राहिमा डिआसँग ४(० को सेटमा पराजित भए। उनी १२(१०, ११(३, ११(४ र ११(५ ले पराजित भए। पुरुष एकलको प्रतिस्पर्धामा ६७ खेलाडी रहेकामा स्यान्टु अन्तिम वरीयतमा रहेका थिए।
६४ वरीयताभन्दा माथिका खेलाडीले प्रारम्भिक चरण खेल्नु पर्ने नियमअनुसार उनले पहिलो खेल ५१औं वरीयताका खेलाडीसँग खेलेका हुन्।
छनोट चरण पार पारेर ओलम्पिक खेल्ने तेस्रो नेपाली खेलाडी बन्दै इतिहास रचेका श्यान्टुको ओलम्पिक यात्रा भने पहिलो खेलबाटै समाप्त भएको छ ।श्यान्टु ओलम्पिक खेल्ने पहिलो नेपाली टेबलटेनिस खेलाडी समेत हुन् ।
तस्बिर: लोकेन्द्रकुमार बस्नेतप
