काठमाडौं । राष्ट्रिय प्रजातन्त्र पार्टी (राप्रपा)को सचिवालय कार्यव्यवस्था बैठक सम्पन्न भएको छ । राप्रपाका अध्यक्ष कमल थापाको अध्यक्षतामा बैठकमा अध्यक्षद्वय पशुपतिशम्शेर जवरा र डा. प्रकाशचन्द्र लोेहानीको पनि उपस्थिती रहेको थियो । बैठकमा राप्रपाले संवैधानिक परिषद सम्बन्धि अध्यादेश जारी गर्ने प्रक्रिया र विषयवस्तुले संविधानको चिरहरण गरेको ठहर गरेको छ ।
त्यस्तै संवैधानिक परिषदमा सभामुखको उपस्थिती नहुनु गैरजिम्मेवारीपुर्ण काम भएको पनि बताएका छन् । त्यैगरी बैठकले संवैधानिक परिषदको उपादेयता समाप्त भएको पनि ठहर गरेको छ । बैठकमा राप्रपाले उखु किसानका मागका बारेमा पनि सरकारको ध्यानाकर्षण गरकएको छ ।
राप्रपाले भनेका छन् किसानले रगत पसिना बगाएर कमाएको रकम मालिकहरुले नदिनु दुर्भाग्यपुर्ण हो । किसानहरुको हित गर्छ भन्ने सरकारको यस्तो व्यहवार भत्सर्नायोग्य र खेदजनक रहेको पनि ठहर गरेका छन् । साथै अब सरकारले सरकारले किसानले पाउनुपर्ने भुक्तानी तत्कालै उपलब्ध गराृन पनि राप्रपाले माग गरेको छ ।
