![](https://newspolar.com/wp-content/uploads/2024/07/asian-cup.jpg)
काठमाडौँ । एसीसी वुमन्स एसिया कप–२०२४ अन्तर्गत आज नेपालले उपाधि दाबेदार भारतसँग प्रतिस्पर्धा गर्दैछ ।
खेल नेपाली समय अनुसार साँझ सवा ७ बजे सुरु हुनेछ ।
नेपालको समूह चरणअन्तर्गत यो अन्तिम खेल हो । यसअघि पहिलो खेलमा यूएईलाई ६ विकेटले हराएको नेपाल दोस्रो खेलमा भने पाकिस्तानसँग ९ विकेटले पराजित भएको थियो ।
सेमिफाइनलमा पुग्नको लागि नेपाललाई आज जित्नै पर्ने हुन्छ । आज नै पाकिस्तानले पनि यूएईसँग समूह चरणको अन्तिम खेल खेल्दैछ । यी दुई खेलपछि सेमिफाइनल पुग्ने टोलीको टुंगो लाग्नेछ ।
पाकिस्तानले यूएईलाई पराजित गरेमा नेपालले भारतलाई हराउनै पर्ने हुन्छ । अर्कोतर्फ पाकिस्तान पराजित भएमा नेपाल भारतसँग पराजित भए रनरेटको आधारमा सेमिफाइनल पुग्ने टोलीको टुंगो लाग्नेछ ।