काठमाडौं । प्रधानमन्त्री केपि शर्मा ओली गृहमन्त्री रामबहादुर थापाको सरकारी निवास पुल्चोक पुगेका छन्। नेकपमा अध्यक्ष समेत रहेका ओली शनिबार विहाना खुमलटारस्थित प्रचण्ड निवासमा उपाध्यक्ष वामदेव गौतम र अर्का अध्यक्ष पुष्पकमल दाहालसंग छलफल गरेका थिए ।
प्रधानमन्त्री ओली खुमलटारबाट फर्किएर लगत्तै गृहमन्त्री थापालाई भेट्न पुल्चोकस्थित मन्त्री निवास गएका हुन् । उक्त भेटवार्तामा भौतिक पूर्वाधारमन्त्री वसन्त नेम्वाङ र स्वास्थ्यमन्त्री भानुभक्त ढकाल पनि सहभागी छन्।
प्रधानमन्त्री ओली फर्किएपछि प्रचण्ड, बरिष्ठ नेता माधवकुमार नेपाल र उपाध्यक्ष वामदेव गौतमबीच खुमलटार केहीबेर कुराकानी भएको थियो । अहिले नेपाल-प्रचण्डबीच छलफल चलिरहेको छ।
