![](https://newspolar.com/wp-content/uploads/2024/07/acc.jpg)
काठमाडौँ । एसिसी महिला एसिया कप क्रिकेट प्रतियोगिताअन्तर्गत आज नेपालले पाकिस्तानसँग खेल्दैछ । श्रीलङ्काको दम्बुला अन्तर्राष्ट्रिय क्रिकेट मैदानमा हुने उक्त खेल नेपाली समयानुसार बेलुका ७ः१५ बजे सुरु हुनेछ ।
प्रतियोगितामा लगातर दोस्रो जित निकाल्दै सेमिफाइनलमा पुग्ने लक्ष्यका साथ नेपाल मैदानमा उत्रनेछ । पहिलो खेलमा नेपालले युएईलाई छ विकेटले पराजित गरेको थियो ।
पाकिस्तान पनि पहिलो जित निकाल्ने उद्देश्यका साथ खेल्नेछ। यसअघि भएको पहिलो खेलमा पाकिस्तान भारतसँग सात विकेटले पराजित भएको थियो ।
यसअघि सन् २०१६ मा भएको एसिया कपमा यी दुई टोलीबीच भिडन्त भएको थियो । जसमा पाकिस्तानले नेपाललाई नौ विकेटले पराजित गरेको थियो ।