काठमाडौं । एसिसी महिला एसिया कप क्रिकेट प्रतियोगिता आजदेखि सुरु हुँदै छ । श्रीलंकामा सुरु हुन गइरहेको प्रतियोगितामा आज पहिलो दिन शुक्रबार समूह ‘ए’का दुई खेल हुँदैछन् ।
प्रतियोगिताको पहिलो खेलमा नेपालले युएईबीच प्रतिस्पर्धा हुनेछ । यो खेल डम्बुला मैदानमा नेपाली समय अनुसार दिउँसो २:१५ बजे सुरु हुनेछ ।
आजै हुने दोस्रो खेलमा भारत र पाकिस्तानले प्रतिस्पर्धा गर्दैछन्। यो खेल सोही मैदानमा साँझ ७:१५ बजे सुरु हुनेछ ।
नेपाल गत फेब्रुअरीमा मलेसियामा सम्पन्न एसिसी महिला प्रिमियर कपबाट छनोट भएको हो ।
साउन ४ देखि १३ गतेसम्म हुने प्रतियोगितामा आठ टोलीको सहभागी रहेको छ । दुई समूहमा विभाजन गरिएको प्रतियोगितामा नेपाल समूह ‘ए’ मा छ ।
