एजेन्सी । भारतीय क्रिकेटर हार्दिक पाण्ड्या र नतासा स्टान्कोभिक अलग भएका छन् । यो जानकारी दुबैले इन्स्टाग्राममा दिएका हुन् । हार्दिकले अब आफू र नताशा मिलेर छोरा अगस्त्यलाई हरेक खुशी दिने प्रयास गर्ने बताएका छन् ।
हार्दिकले लेखेका छन्– ‘४ वर्ष सँगै बसेपछि नताशा र मैले सँगै अलग हुने निर्णय गरेका छौं । हामीले सँगै धेरै प्रयास गर्यौं र सबै दियौं । अब हामी दुवै छुट्टिएर बस्नु नै राम्रो हो जस्तो लाग्छ ।’
हार्दिक र नताशाको सम्बन्ध विच्छेदको खबर धेरै दिनदेखि आइरहेको थियो । टी–२० विश्वकपमा भारतको जित भए पनि नताशाले आफ्नो सामाजिक सञ्जाल अकाउन्टमा एउटा पनि पोस्ट गरिनन् । उनले हालै एक इन्स्टाग्राम पोस्ट गरिन्, जसमा सुटकेस र घरको तस्वीर थियो । यो पोस्टमार्फत उनले सर्बियास्थित आफ्नो घर जाने संकेत गरेकी थिइन् ।
हार्दिकले डिभोर्सको बारेमा आफ्नो पोस्टमा थप लेखेका छन्, ‘यो नताशा र मेरो लागि कठिन निर्णय थियो । हामीले एकअर्काको सम्मान र समर्थन गर्यौं । हामीले अगस्त्य उपहार पाएका छौं । अहिले पनि त्यही केन्द्र बिन्दु हुनेछ । हाम्रो दुबैको जीवनमा हामी एक अर्कालाई सहयोग गर्नेछौं ताकि हामी सबैलाई यो संवेदनशील अवसरमा गोपनीयता दिन अनुरोध गर्दछौं ।’
को हुन् नताशा ?
नताशाको जन्म ४ मार्च १९९२ मा सर्बियामा भएको थियो । बलिउडमा उनको पहिलो फिल्म ‘सत्याग्रह’ थियो । यसबाहेक उनी ‘बिग बोस–८’ र ‘नच बलिए–९’ मा पनि प्रतियोगीका रूपमा देखिएकी थिइन् । उनले बादशाहको गीत ‘डीजे वाले बाबु’ बाट बढी चर्चा पाइन् । हार्दिक र नताशाको भेट एक नाइट क्लबमा भएको थियो । यहीँबाट सुरु भयो यी दुईको प्रेमकथा ।
नताशा र हार्दिकको सम्बन्ध सबैभन्दा ठूलो ‘टक अफ द टाउन’ बनेको छ । दुवैको पहिलो भेट सन् २०१८ मा नाइट क्लबमा भएको थियो । नताशा र हार्दिकका धेरै साझा साथीहरू थिए । क्रिकेटरले ६ वर्षअघि मुम्बईमा आफ्नो जन्मदिनको पार्टी आयोजना गरेका थिए । यो पार्टीमा नताशा पनि सहभागी भएकी थिइन् । यहीँ दुवैको पहिलो भेट भएको थियो ।
हार्दिकले १ जनवरी २०२० मा नताशासँग इन्गेजमेन्ट गरेका थिए । उनले सामाजिक सञ्जालमार्फत सो जानकारी दिएका हुन् । दुवैले ३१ मे २०२० मा विवाह गरेका थिए । सोही वर्ष ३० जुलाई २०२० मा उनका छोरा अगस्त्यको जन्म भयो ।
नताशा र हार्दिकको बिछोडको खबर आइपिएलको समयदेखि नै आउन थाल्यो । त्यतिबेला दुवैको सम्बन्ध छुट्टिएको भनिएको थियो । नताशाले आफ्नो सामाजिक सञ्जाल अकाउन्टबाट हार्दिकसँगको विवाहको तस्बिर हटाएपछि यो जोडीको सम्बन्धविच्छेदको खबर बाहिर आएको हो ।
त्यसपछि केही दिनपछि नताशाले यी तस्बिरहरू रिस्टोर गरेर सम्बन्धविच्छेदको हल्लाको अन्त्य गरिन् । उनी आईपीएल २०२४ मा आफ्नो पतिलाई चियर गर्न पनि उपस्थित थिइनन्, जबकि यस पटक मुम्बई इन्डियन्सको कप्तानी हार्दिकको हातमा थियो ।
यसपछि भारतले टी–२० विश्वकप जितेपछि पनि नताशाले हार्दिकको लागि कुनै पोस्ट सेयर गरिनन् । भारतको जितमा महत्वपूर्ण भूमिका निर्वाह गरेकोमा हार्दिककी श्रीमती नताशाले उनलाई बधाई दिएर पोस्ट सेयर गर्नेछिन् भन्ने मानिसहरूलाई आशा थियो तर त्यसो भएन ।
