![](https://newspolar.com/wp-content/uploads/2024/07/imgonline-com-ua-twotoone-gJ9oAw9OIWepH09.jpg)
काठमाडौँ । कोपा अमेरिकाको फाइनल खेलमा चोटिल बनेका लियोनल मेसीले इन्टर मियामीका दुई खेल गुमाउने भएका छन् ।
उनले जुलाई १९ र जुलाई २० मा हुने मियामीका दुई खेल र जुलाई २४ मा हुने एमएलएस अल स्टार खेल गुमाउने बताइएको छ ।
आठ पटकको बालोन डी ओर विजेता मेसीले कोपा अमेरिका २०२४ को फाइनल खेलमा गम्भीर चोट बोकेका थिए ।
फ्लोरिडाको हार्डरक स्टेडियममा भएको खेलमा मैदानमा ढलेका उनी रुँदै मैदान छाड्नुपरेको थियो ।
अर्जेन्टिनाले कोलम्बियालाई १–० गोलले हराउँदै उपाधि जितेको थियो । खेलका दौरान मेसीको खुट्टा सुन्निएको तस्बिर र भिडियोमा देखिएको थियो ।
मेसी कहिले मैदान फर्किन्छन् भन्नेबारे टुंगो लागिसकेको छैन ।