![](https://newspolar.com/wp-content/uploads/2024/07/hardik-2.jpg)
एजेन्सी । भारतीय टोलीका स्टार अलराउन्डर हार्दिक पाण्ड्या र उनकी श्रीमती नतासा स्टान्कोभिकबीच केही समयदेखि राम्रो सम्बन्ध चलिरहेको छैन । यो जोडीको वैवाहिक जीवनमा कलह रहेको बताइएको छ ।
आईपीएल २०२४ मा मुम्बई इन्डियन्सको कप्तानी गर्दा हार्दिकलाई धेरै ट्रोलको सामना गर्नु परेको थियो, सबैले उनलाई समर्थन गरिरहेका थिए, तर नताशा यस्तो कठिन समयमा उनको साथमा देखिइनन् ।
जसबाट दुईबीच केही नमिलेको चर्चा सुरु भयो । यसपछि हार्दिक पाण्ड्याले २०२४ को टी–२० विश्वकपमा उत्कृष्ट प्रदर्शन गर्दै भारतको जितमा महत्वपूर्ण भूमिका खेलेका थिए तर उनको उत्कृष्ट प्रदर्शनका बाबजुद नताशाले उनको लागि कुनै पोस्ट पनि सेयर गरिनन् ।
यसैबीच, हालै नताशा स्टान्कोभिकले आफ्नो इन्स्टाग्राम खातामा एउटा स्टोरी सेयर गरेकी छिन्, जसमा सामान देखिन्छ ।
हालै हार्दिक पाण्ड्या र उनकी श्रीमती नताशा स्टान्कोभिक छोरा अगस्त्यसँग चार्टर्ड फ्लाइटमा उडिरहेको देखिएका थिए, जसको भिडियो भाइरल भइरहेको छ । सम्बन्धविच्छेदको खबरकाबीच नताशाले आफ्नो इन्स्टाग्राममा एउटा स्टोरी सेयर गरेर आफ्ना फ्यानहरूलाई चकित पारिन् ।
उनले ‘यो वर्षको त्यो समय हो’ शब्दहरू सहितको सुटकेसको तस्विर पोस्ट गरेर आफ्नो गृहनगर सर्बिया फर्कने संकेत गर्दै विमान र घरको इमोजी पनि पोस्ट गरेकी छन् । उनले आँसुले भरिएको इमोजी पनि सेयर गरेकी छन् । यस क्रममा उनी छोरा अगस्त्यसँग देखिएकी थिइन् । यस्तो अवस्थामा उनले घर छोडेर गएको अनुमान गरिएको छ ।