एजेन्सी । श्रीलंका विरुद्धको तीन खेलको टी–२० सिरिजमा भारतका स्टार अलराउन्डर हार्दिक पाण्ड्याले कप्तानी गर्ने भएका छन् । भारतीय क्रिकेट टोली यसै महिना श्रीलंका भ्रमणमा जानेछ ।
भारतीय टोलीले श्रीलंकामा तीन खेलको टी–२० सिरिज र सोही संख्याको एकदिवसीय सिरिज खेल्नेछ । टी–२० सिरिजको पहिलो खेल २७ जुलाईमा हुनेछ । तर, हार्दिक पाण्ड्या एकदिवसीय शृंखलामा सहभागी हुने छैनन् ।
समाचार एजेन्सी पीटीआईले बीसीसीआईको स्रोतलाई उद्धृत गर्दै आफ्नो रिपोर्टमा भनेको छ, ‘हार्दिक पाण्ड्या भारतीय टी(२० टोलीका उपकप्तान थिए। उनी पूर्ण रूपमा फिट छन् र तीन खेलको टी–२० सिरिजका लागि पनि उपलब्ध छन् । त्यसैले उनी कप्तान हुनेछन्श्री ।’ श्रीलंकाविरुद्धको टी–२० सिरिजमा शुभमन गिल वा सूर्यकुमार यादव उपकप्तान हुन सक्ने रिपोर्टमा उल्लेख छ ।
भारत र श्रीलंकाबीच जुलाई २७ बाट तीन खेलको टी–२० सिरिज खेलिनेछ । रोहित शर्माले टी–२० विश्वकप जितेर टी–२० क्रिकेटबाट अलग भएका छन् । यस्तो अवस्थामा भारतीय क्रिकेट बोर्डले यो फर्म्याटका लागि नयाँ कप्तानको खोजी गरिरहेको छ । यद्यपि, हार्दिक पाण्ड्या टी–२० मा भारतीय टोलीको स्थायी कप्तान रहने वा नहुने भन्ने टुंगो लागेको छैन ।
एकदिवसीय शृङ्खलाका बारेमा हार्दिकले व्यक्तिगत कारणले ब्रेक मागेको र यसबारे नियमित कप्तान रोहित शर्मालाई जानकारी गराएका छन् । मुख्य प्रशिक्षक गौतम गम्भीरले रोहित शर्मा, विराट कोहली र जसप्रित बुमराहलाई श्रीलंका विरुद्धको एकदिवसीय श्रृंखलामा भाग लिउन् भन्ने चाहन्छन् ।
बीसीसीआई सचिव जय शाहले अन्तर्राष्ट्रिय क्रिकेट नखेल्ने सबै स्टार क्रिकेटरले घरेलु क्रिकेट खेल्नुपर्ने स्पष्ट पारेका छन् । तर, रोहित शर्मा, विराट कोहली र जसप्रित बुमराहलाई भने छुट दिइएको छ ।
