![](https://newspolar.com/wp-content/uploads/2024/07/colombia.jpg)
काठमाडौँ । कोलम्बिया फुटबल महासंघका अध्यक्ष र उनका छोरासहित २७ जना पक्राउ परेका छन् ।
सोमबार बिहान कोपा अमेरिका फुटबलको फाइनल खेलमा झडप र विवादको घटना भएको थियो । यही विवादलाई लिएर कोलम्बियाली फुटबल महासंघका प्रमुख रामोन जेसुरन र उनका छोरा पक्राउ परेका हुन् ।
७१ वर्षीय रामोन र ४३ वर्षीय उनका छोरालाई खेल अधिकारी र कर्मचारीसँग झगडा गरेकोसहित विभिन्न आरोपमा पक्राउ गरिएको मियामीको सुरक्षा निकायले जनाएको छ ।
प्रतियोगिताको फाइनलमा कोलम्बियाले अर्जेन्टिनासँग १–० गोलले हरा ब्यहोर्दै उपविजेतामा चित्त बुझाएको थियो ।